लीलावती/Chapter 19
वर्गान्तरं राशिवियोगभक्तं योगस्ततः प्रोक्तवदेव राशी।। ६३।।
लीलावती/Chapter 19
राश्योर्ययोर्वियोगोऽष्टौ तत्कृत्योश्च चतुःशती।
विवरं वद तौ राशी शीघ्रं गणितकोविद।। ६४।।
लीलावती/Chapter 19
इष्टकृतिरष्टगुणिता व्येका दलिता विभाजितेष्टेन।
एकः स्यादस्य कृतिर्दलिता सैका परो राशिः।। ६५ ।।
लीलावती/Chapter 19
रूपं द्विगुणेष्टहृतं सेष्टं प्रथमोऽथवापरो रूपम् ।
कृतियुतिवियुती व्येके वगौं स्यातां ययो राश्योः ।। ६६ ।।
लीलावती/Chapter 19
राश्योर्ययोः कृतिवियोगयुती निरेके
मूलप्रदे प्रवद तौ मम मित्र यत्र।
क्लिश्यंति बीजगणिते पटवोऽपि मूढाः
षोढोक्तगूढगणितं परिभावयन्तः।। ६७।।
लीलावती/Chapter 19
इष्टस्य वर्गवर्गो घनश्च तावष्टसंगुणौ प्रथमः।
सैको राशी स्यातामेवं व्यक्तेऽथवाऽव्यक्ते।। ६८।।
लीलावती/Chapter 19
पाटीसूत्रोपमं बीजं गूढमित्येव भासते।
नास्ति गूढममूढानां नैव षोढेत्यनेकधा।। ६९।।
लीलावती/Chapter 19
अस्ति त्रैराशिकं पाटी बीजं च विमला मतिः
किमज्ञातं सुबुद्धीनामतो मन्दार्थमुच्यते।। ७०।।