लीलावती/Chapter 31
अनणुषु दशमांशोऽणुष्वथैकादशांशः
परिधिनवमभागः शूकधान्येषु वेधः।
भवति परिधिषष्ठे वर्गिते वेधनिघ्ने
घनगणितकराः स्युर्मागधा ताश्च खाय्यः।। २३७।।
लीलावती/Chapter 31
समभुवि किल राशिर्यः स्थितः स्थूलधान्यः
परिधिपरिमितिर्भो हस्तषष्टिर्यदीया।
प्रवद गणक खार्यः किंमिताः सन्ति तस्मिन्
अथ पृथगणुधान्ये शूकधान्ये च शीघ्रम्।। २३८ ।।
लीलावती/Chapter 31
द्विवेदसत्रिभागैकनिघ्नात्तु परिधेः फलम्।
भित्त्यन्तर्बाह्यकोणस्थराशेः स्वगुणभाजितम्।। २३९ ।।
लीलावती/Chapter 31
परिधिर्भित्तिलग्नस्य राशेस्त्रिशत्करः सखे
अन्तःकोणस्थितस्यापि तिथितुल्यकरः किल।
बहिःकोणस्थितस्यापि पंचघ्ननवसंमितः
तेषामाचक्ष्व मे क्षिप्रं घनहस्तान् पृथक् पृथक्।। २४० ।।